பாரிஸ்: டபிள்யு.டி.ஏ., ஒற்றையர் பிரிவு தரவரிசையில் ரஷ்யாவின் ஆன்ட்ரீவா 'நம்பர்-6' இடத்துக்கு முன்னேறினார்.

டென்னிஸ் போட்டியில் சிறந்து விளங்கும் வீராங்கனைகளுக்கான டபிள்யு.டி.ஏ., தரவரிசை பட்டியல் வெளியானது. ஒற்றையர் பிரிவில் ரஷ்யாவின் மிர்ரா ஆன்ட்ரீவா, 8வது இடத்தில் இருந்து 6வது இடத்துக்கு முன்னேறினார். இவர், சமீபத்தில் முடிந்த பிரெஞ்ச் ஓபனில் முதல் முறையாக கிராண்ட்ஸ்லாம் பட்டம் வென்றார். இத்தொடரில் பைனல் வரை சென்று 2வது இடம் பிடித்தது போலந்தின் மாஜா சவலின்ஸ்கா, 93 இடங்கள் முன்னேறி 21வது இடத்தை கைப்பற்றினார்.
முதல் மூன்று இடங்களில் பெலாரசின் அரினா சபலென்கா, கஜகஸ்தானின் எலினா ரிபாகினா, போலந்தின் இகா ஸ்வியாடெக் நீடிக்கின்றனர். அமெரிக்காவின் ஜெசிகா பெகுலா, அமண்டா அனிசிமோவா முறையே 4, 5வது இடத்துக்கு முன்னேறினர். அமெரிக்காவின் கோகோ காப், உக்ரைனின் எலினா ஸ்விடோலினா முறையே 7, 8வது இடத்துக்கு தள்ளப்பட்டனர்.


ஆண்களுக்கான ஏ.டி.பி., ஒற்றையர் பிரிவு ரேங்கிங்கில், 'நடப்பு பிரெஞ்ச் ஓபன் சாம்பியன்' ஜெர்மனியின் அலெக்சாண்டர் ஸ்வெரேவ் 3வது இடத்தை தக்கவைத்துக் கொண்டார். இத்தாலியின் சின்னர், ஸ்பெயினின் அல்காரஸ் முதலிரண்டு இடங்களில் நீடிக்கின்றனர். செர்பியாவின் ஜோகோவிச், 4வது இடத்தில் இருந்து 7வது இடத்துக்கு தள்ளப்பட்டார்.