கோவை: மூகூர்த்த நாட்கள் இல்லாததால் மல்லி, முல்லை, அரளி உள்ளிட்ட உதிரிப்பூக்கள் விலை குறைந்துள்ளது. வழக்கமாக குறைந்த விலையில் விற்பனையாகும் செவந்திபூ விளைச்சல் குறைவால் கிலோ, ரூ.300 க்கு விற்பனையாகிறது.

வியாபாரி அபுதாகிர் கூறுகையில், ‘‘சித்திரை, வைகாசியில் முகூர்த்தம் மற்றும் கோயில் விழாக்களால், பூ விலையில் ஏற்றம் இருந்தது. ஆனி மாதத்தில் பூக்கள் விலை உயராது. கோயில் விழாக்களால் ஆடி மாதத்தில் விலை கூடும். தற்போது செவ்வந்தி தான் விலை அதிகம். அடுத்த இரு மாதங்களுக்கு செவ்வந்திபூ வரத்து மிகவும் குறைவாக இருக்கும்.  விவசாயிகள் ஆயுத பூஜை விற்பனைக்காக, வைகாசி மாதத்தில் நடவு செய்வர். அதனால் ஊடு பயிரில் இருந்து எடுக்கப்படும் செவ்வந்திதான் இப்போது விற்பனைக்கு வருகிறது. அதினால் விலை அதிகம்’’ என்றார்.நேற்று மல்லி ஒரு கிலோ, ரூ.480, ஜாதி மல்லி, ரூ.400, முல்லை, ரூ.200, அரளி ரூ.120 க்கு விற்பனையானது.