வேடசந்துார், ஜூன் 13

வேடசந்துார் பூத்தாம்பட்டி ரோட்டில் தனியார் பள்ளி செயல்படுகிறது. இப்பள்ளி டிரைவராக வேடசந்துார் ராஜா 30, பணிபுரிகிறார். நேற்று காலை மாணவர்களை ஏற்றி வருவதற்காக வேடசந்துார் மாரம்பாடி வழியாக தேவகவுண்டன்பட்டிக்கு சென்றார். 15 மாணவர்களுடன் கோட்டமந்தை அருகே சென்ற போது கட்டுப்பாட்டை இழந்த வேன் ரோட்டோர பள்ளத்தில் கவிழ்ந்தது. அருகில் இருந்தவர்கள் வேனில் சிக்கிய மாணவர்களை மீட்டனர். யாருக்கும் காயம் ஏற்படவில்லை.