விழுப்புரம்: விழுப்புரம் கலைஞர் அறிவாலயத்தில் மத்திய மாவட்ட தி.மு.க., சார்பில் முன்னாள் முதல்வர் கருணாநிதியின் புகைப்பட கண்காட்சி நடந்தது.

மத்திய மாவட்ட பொறுப்பாளர் லட்சுமணன் எம்.எல்.ஏ., தலைமை தாங்கி கண்காட்சியை துவக்கி வைத்து பார்வையிட்டார். கண்காட்சியில், கருணாநிதியின் சிறு வயது முதல் முதுமை வரையிலான 100க்கும் மேற்பட்ட புகைப்படங்கள் இடம் பெற்றிருந்தன. ஏராளமான பொதுமக்கள் மற்றும் அரசியல் கட்சியினர் பார்வையிட்டனர்.

மத்திய மாவட்ட பொறுப்புக்குழு உறுப்பினர் கண்ணப்பன், கவுன்சிலர்கள் புருஷோத்தமன், சாந்தராஜ், ஜனனி தங்கம் உட்பட பலர் பங்கேற்றனர்.