மதுரை: மதுரை வண்டியூர் மெயின் ரோட்டில் உள்ள மதுக்கடைகளால் பள்ளி மாணவர்கள், பொதுமக்கள் பாதிப்பதாக வேதனை தெரிவிக்கின்றனர்.

தமிழக அரசு சமீபத்தில் பள்ளிகள், வழிபாட்டு தலங்கள் அருகே 500 மீட்டருக்குள் உள்ள 717 மதுபான கடைகளை அகற்ற வேண்டும் என உத்தரவிட்டுள்ளது. இதன்படி பல கடைகள் அகற்றப்பட்டதாக தெரிவித்தனர். ஆனாலும் பலஇடங்களில் பள்ளிகள் அருகே கடைகள் உள்ளன.

மதுரை வண்டியூர் மெயின்ரோட்டில் உள்ள இரு கடைகள் பள்ளியின் அருகே உள்ளதென பொதுமக்கள் கூறுகின்றனர். பள்ளியில் இருந்து 300 மீட்டருக்குள் இருப்பதாகவும், அதன் வழியாக மாணவிகள் நடந்தும், வாகனத்திலும் வருவதற்கு அச்சப்படுவதாகவும் கூறுகின்றனர். இதுகுறித்து தெரிவித்தும் பலனில்லாததால் மாவட்ட நிர்வாகம் நடவடிக்கை எடுக்க வேண்டும் என வலியுறுத்துகின்றனர்.