பொதுத்துறை நிறுவனமான 'கொச்சின் ஷிப்யார்ட்' நிறுவனத்தில் உள்ள தன் 67.91 சதவீத பங்குகளில் ஒரு பகுதியை, 'ஆபர் பார் சேல்' முறையில் விற்பனை செய்ய மத்திய அரசு திட்டமிட்டுள்ளதாக தகவல் வெளியாகியுள்ளது.

தற்போதைய சந்தை விலையிலிருந்து 6 முதல் 8 சதவீதம் வரை தள்ளுபடி விலையில் இப்பங்குகள் வெளியிடப்பட வாய்ப்பு உள்ளதாக கூறப்படுகிறது.

கடந்த மே 21 முதல் தற்போது வரை, 'சென்ட்ரல் பேங்க் ஆப் இந்தியா, என்.எல்.சி., - என்.எச்.பி.சி., - ஜி.ஐ.சி., கோல் இந்தியா' ஆகிய பொதுத்துறை நிறுவனங்களின் பங்குகளை விற்றதன் வாயிலாக, மத்திய அரசு 16,000 கோடி ரூபாய்க்கும் மேல் நிதி திரட்டியுள்ளது குறிப்பிடத்தக்கது.