பாங்காக்: ஆசிய யூத் டேபிள் டென்னிசில் இந்திய ஆண்கள் அணிக்கு வெண்கலம் கிடைத்தது.
தாய்லாந்தில் ஆசிய யூத் டேபிள் டென்னிஸ் தொடர் நடக்கிறது. 15, 19 வயதுக்கு உட்பட்ட பிரிவுகளில் தனி நபர், அணிகளுக்கான போட்டிகள் நடக்கின்றன.
19 வயது அணிகள் பிரிவு அரையிறுதியில் இந்தியாவின் அபிநந்த், பிரியானுஜ், பாலமுருகன், குஷால் இடம் பெற்ற அணி, வலிமையான சீனாவை எதிர் கொண்டது. இதில் இந்திய அணி 1-3 என்ற கணக்கில் தோற்க, வெண்கலப் பதக்கம் கிடைத்தது.
19 வயது கலப்பு இரட்டையர் பிரிவு காலிறுதியில் இந்தியாவின் திவ்யான்ஷி, அபிநந்த் ஜோடி, சீனாவின் டாங் இரென், ஜியாங் இயி ஜோடியை எதிர்கொண்டது.
முதல் செட்டை இந்திய ஜோடி 11-9 என கைப்பற்றியது. தொடர்ந்து இரண்டாவது செட்டையும் 11-6 என வசப்படுத்தியது. மூன்றாவது செட்டிலும் ஆதிக்க செலுத்த, 11-7 என வென்றது.
முடிவில் இந்திய ஜோடி 3-0 என்ற கணக்கில் வெற்றி பெற்று, அரையிறுதிக்கு முன்னேறியது. குறைந்தபட்சம் ஒரு பதக்கத்தை உறுதி செய்தது.
------------------------------------