ஒட்டன்சத்திரம், ஜூலை 16-

ஒட்டன்சத்திரம் அருகே கே.அத்திக்கோம்பை பட்டாளம்மன் கோயில் திருவிழா சாமி சாட்டுதலுடன் தொடங்கியது. நேற்று முன்தினம் ஒட்டன்சத்திரம் காமாட்சி அம்மன் கோயிலில் இருந்து புனித தீர்த்தக்கலசங்கள் ஊர்வலமாக பட்டாளம்மன் கோயிலுக்கு கொண்டு வரப்பட்டது. அம்மனுக்கு அபிஷேகம், அலங்காரம், சிறப்பு பூஜைகள் நடந்தது.

நேற்று கங்கையிலிருந்து கரகம் பாலித்து மேளதாளம் முழங்க ஊர்வலமாக கோயிலுக்கு அழைத்து வரப்பட்டு சிறப்பு பூஜைகள் நடந்தது. பெண்கள் மாவிளக்கு எடுத்தும், பக்தர்கள் அலகு குத்தியும், பூச்சட்டி எடுத்தும் நேர்த்திக்கடனை நிறைவேற்றினர்.