போக்குவரத்து இடையூறு

திருப்பூர், 32வது வார்டு, டி.பி.ஏ. காலனியில் சாலையின் இருபுறமும் வாகனங்கள் நிறுத்தப்படுவதால், போக்குவரத்து பாதிக்கப்படுகிறது.

- சுப்பிரமணி, டி.பி.ஏ. காலனி.



நாய்கள் தொல்லை

திருப்பூர், கே.செட்டிபாளையம், பாலாஜி நகரில் தெருநாய்கள் தொல்லை அதிகரித்துள்ளது.

- சண்முகம், பாலாஜி நகர். (படம் உண்டு)



வீணாகும் குடிநீர்

திருப்பூர் புதிய பஸ் ஸ்டாண்ட் எதிரே, பி.என். ரோட்டில் குழாய் உடைந்து குடிநீர் வீணாவதுடன், சாலையும் சேதமடைகிறது.

- லோகநாதன், பி.என். ரோடு. (படம் உண்டு)



குழாய் உடைப்பு

திருப்பூர், ஊத்துக்குளி ரோடு, 2வது ரயில்வே கேட் அருகே குழாய் உடைந்து குடிநீர் வீணாகிறது.

- நடராஜன், தியாகி குமரன் காலனி. (படம் உண்டு)



மின் கம்பம் சேதம்

திருப்பூர், 17வது வார்டு, திருவள்ளுவர் நகர் கிழக்கு முதல் வீதியில் மின்கம்பத்தின் அடிப்பகுதி சேதமடைந்துள்ளது.

- ரஞ்சித், திருவள்ளுவர் நகர்.(படம் உண்டு)



கழிவுநீர் தேக்கம்

திருப்பூர், 20வது வார்டு, எம்.ஜி.ஆர். நகர் 2வது வீதியில் கால்வாய் அடைப்பால் கழிவுநீர் சாலையில் தேங்கியுள்ளது.

- ரஞ்சித்குமார், எம்.ஜி.ஆர். நகர். (படம் உண்டு)



குப்பைக் குவியல்

திருப்பூர், காலேஜ் ரோடு, இ.ஆர்.பி. லே--அவுட், பி.எஸ்.என்.எல். குடியிருப்பு அருகே குப்பை குவிந்து கிடக்கிறது.

- தண்டபாணி, இ.ஆர்.பி. லே--அவுட். (படம் உண்டு)



குப்பை எரிப்பு

கருப்பகவுண்டம்பாளையத்தில் குப்பைக்கு தீ வைப்பதால், அவ்வழியாகச் செல்லும் வாகன ஓட்டிகள் மூச்சுத்திணறுகின்றனர்.

- மணிவண்ணன், கருப்பகவுண்டம்பாளையம். (படம் உண்டு)



மூடப்படாத குழி

திருப்பூர், குமாரசாமி லே--அவுட் முதல் வீதி, முத்து நகர் எக்ஸ்டென்ஷனில் சாக்கடைப் பணிக்காக தோண்டிய குழி மூடப்படாமல் உள்ளது.

- மோகன், முத்து நகர். (படம் உண்டு)

திருப்பூர், காதர்பேட்டை, ஆசாத் வீதியில் கேபிள் பதிக்க தோண்டிய குழி மூடப்படாமல் இருப்பதால், போக்குவரத்துக்கு இடையூறு ஏற்பட்டுள்ளது.

- ஆனந்தன், ஆசாத் வீதி. (படம் உண்டு)





ஆபத்தான தொட்டி

காமநாயக்கன்பாளையம், ஸ்கூல் வீதியில் மேல்நிலை நீர்த்தேக்கத் தொட்டி விரிசலுடன் ஆபத்தான நிலையில் உள்ளது.

- பாலுஆனந்த், காமநாயக்கன்பாளையம். (படம் உண்டு)



சீராகுமா சாலை?

கரைப்புதுார், மீனாம்பாறை, கோவில் வீதியில் சாலை குண்டும் குழியுமாக இருப்பதால் வாகன ஓட்டிகள் அவதிப்படுகின்றனர்.

- செல்வராஜ், மீனாம்பாறை. (படம் உண்டு)



திருப்பூர், தாராபுரம் ரோடு, செட்டிபாளையம் - பாங்க் காலனி - பெரிய தோட்டம் இடையே சாலை அமைக்க வேண்டும். தற்போதுள்ள சாலை குண்டும் குழியுமாக உள்ளது.

- முருகன், பாங்க் காலனி. (படம் உண்டு)