நமது சிறப்பு நிருபர்

நடப்பு நிதியாண்டுக்கான பட்ஜெட்டை தமிழக நிதியமைச்சர் மரிய வில்சன் தாக்கல் செய்தார். பட்ஜெட்டில் இடம்பெற்றுள்ள முக்கிய திட்டங்கள் பின்வருமாறு:

* அரசு மருத்துவமனைகளில் பிறக்கும் குழந்தைகளுக்கான தாய்மாமன் தங்க மோதிரம் திட்டத்திற்கு ரூ.560 கோடி ஒதுக்கீடு

* மதுரையில் சிறப்பு சட்டக்கல்லூரி அமைக்கப்படும்.

* மாநிலம் முழுவதும் 10 ஒலிம்பிக் சிறப்பு மையங்கள் அமைக்க ரூ.50 கோடி நிதி ஒதுக்கீடு

* பெண்களின் திருமண நாளில் 8 கிராம் தங்க நாணயம் மற்றும் ஒரு பட்டுப்புடவை வழங்கும் அண்ணன் சீர் திட்டத்துக்கு ரூ.812 கோடி ரூபாய் ஒதுக்கீடு.

* தமிழகத்தில் 12 மாவட்டங்களில் தலா 1 வீதம் 12 முதியோர் இல்லங்கள் அமைக்க ரூ.6.6 கோடி ரூபாய் நிதி ஒதுக்கீடு.

* அரசுப் பள்ளிகளில் காமராஜர் காலை உணவுத் திட்டம் 8ம் வகுப்பு வரை விரிவுபடுத்தப்படும்; இதற்கு ரூ.710 கோடி ஒதுக்கீடு.

* அரசுப் பள்ளிகளில் 11ம் வகுப்பு படிக்கும் 5 லட்சம் மாணவர்களுக்கு ஹெல்மெட், வாட்டர் பாட்டிலுடன் நவீன சைக்கிள் வழங்க ரூ.277 கோடி நிதி ஒதுக்கீடு

* ஆதரவற்ற பெண்கள் மற்றும் மாற்றுத்திறனாளிகள் பயன்பெறும் வகையில் 100% மானியத்தில் 30 ஆயிரம் பயனாளிகளுக்கு 5 ஆடுகள் வழங்கப்படும். இதற்கு ரூ.110 கோடி நிதி ஒதுக்கீடு

* ஏஐ பல்கலை, சர்வதேச திறன் மேம்பாட்டு மையம், செமிகண்டக்டர் சோதனை ஆய்வகம் ஆகியவற்றுடன் கூடிய நாட்டின் முதலாவது பிரத்யேக ஏ.ஐ., நகரம் அறிவகம் என்ற பெயரில் அமைக்கப்படும்; பட்ஜெட்டில் ரூ.5 கோடி நிதி ஒதுக்கீடு.

* சுற்றுச்சூழலுக்கு உகந்த பசுமை ஆடை உற்பத்தியை ஊக்குவிக்க, திருப்பூர் டெக்ஸ்டைல்ஸ் டெக்னாலஜி சென்டர் அமைக்கப்படும். ரூ.10 கோடி ஒதுக்கீடு


* சிங்கப்பெண் சிறப்பு அதிரடிப்படை திட்டத்துக்கு ரூ.354 கோடி ஒதுக்கீடு

* புதிய மாநில வீட்டுவசதி திட்டமான வெற்றி வீடு திட்டம் அறிமுகம்; ரூ.3500 கோடியில் செயல்படுத்தப்படும்.

* வெற்றி மடிக்கணினித் திட்டத்துக்கு ரூ.2 ஆயிரம் கோடி நிதி ஒதுக்கீடு

* அரசு தொழில்பயிற்சி நிலையங்களில் செயற்கை நுண்ணறிவு மற்றும் இயந்திர வழி கற்றல் என்ற புதிய தொழிற்பிரிவுக்கு ரூ.10 கோடி நிதி ஒதுக்கீடு

* 2031ம் ஆண்டிற்குள் பொறியியல் கல்லூரிகள், பாலிடெக்னிக் கல்லூரிகள் மற்றும் தொழிற்பயிற்சி நிலையங்களில் பயிலும் 5 லட்சம் இளைஞர்களுக்கு ஏஐ பயிற்சி அளிக்கப்படும்.

* 12 லட்சம் கல்லூரி மாணவர்களுக்கும் 1 லட்சம் வேலையில்லா இளைஞர்களுக்கும் திறன் மேம்பாட்டுப் பயிற்சி; பட்டதாரிகள் மற்றும் தொழிற்கல்வி தகுதி பெற்றவர்களுக்கு மாத உதவித்தொகை வழங்கப்படும். வெற்றி திறன் பயிற்சித் திட்டத்துக்கு ரூ.150 கோடி நிதி ஒதுக்கீடு

* ரூ.90 கோடி மதிப்பீட்டில் 5 புதிய தொழிற்பயிற்சி நிலையங்கள் நிறுவப்படும்.

* ஆதிதிராவிடர் மற்றும் பழங்குடியின மக்களின் வாழ்வாதாரத்தை மேம்படுத்தவும், நிலையான வளர்ச்சியை உறுதி செய்யவும் வெற்றி முனைவோர் திட்டத்துக்கு ரூ.75 கோடி நிதி ஒதுக்கீடு

* அம்பேத்கர் அயல்நாட்டு கல்வி உதவித்தொகை திட்டத்துக்கு முன்னெப்போதும் இல்லாத வகையில் ரூ.131 கோடி ஒதுக்கீடு

* ஆதிதிராவிடர் மற்றும் பழங்குடியின விவசாயத் தொழிலாளர்களை நில உரிமையாளர்களாக மாற்றும் நோக்குடன் பெண்களுக்கு முன்னுரிமை அளிக்க மண்ணின் மகள் திட்டத்துக்கு ரூ.20 கோடி நிதி ஒதுக்கீடு.

* மூத்த குடிமக்கள் பொழுதுபோக்கு மையங்கள் முதற்கட்டமாக 5 மாவட்டங்களில் நிறுவப்படும்.

* மூத்த குடிமக்களுக்காக தமிழகம் முழுவதும் 1000 நடமாடும் முதியோர் சிகிச்சை மையங்களுக்கு ரூ.33 கோடி நிதி ஒதுக்கீடு


* கருவுற்ற பெண்களுக்கான தாய் கேர் திட்டத்துக்கு ரூ.23 கோடி ஒதுக்கீடு

* புற்றுநோய் பராமரிப்பு மருத்துவமனைகள் அமைக்க ரூ.10 கோடி நிதி ஒதுக்கீடு

* நிபுணத்துவ டாக்டர்களை கொண்ட 5 மையங்கள் அமைக்க ரூ.33 கோடி நிதி ஒதுக்கீடு

* ஒவ்வொரு ஆண்டும் 10 ஆயிரம் தகுதி வாய்ந்த பெண்களுக்கு கறவை மாடுகள் விலையில்லாமல் வழங்க ரூ.57 கோடி நிதி ஒதுக்கீடு

* தொழில் வளர்சிக்கான புதிய உட்கட்டமைப்புகள் ஏற்படுத்தப்படும்.

* ஹஜ் பயண மானியம் ரூ.25 ஆயிரத்திலிருந்து ரூ.35 ஆயிரமாக உயர்த்தப்படும்.

* கூவம், அடையாறு ஆறுகள் உலகத்தரத்தில் மறு சீரமைப்பு செய்யப்படும். படகு சவாரி, நதிக்கரை நடைபாதை, பொழுதுபோக்கு வசதிகள் செய்யப்படும்.

* பள்ளிகளில் போதைப்பொருள் தொடர்பாக புகார் அளிக்க 1058 என்ற இலவச எண் அறிமுகம்; போதைப்பொருள் இல்லாத தமிழ்நாடு என்ற செயலி உருவாக்கப்படும்.

* தனித்துவமான செயற்கை நுண்ணறிவு பாடத்திட்டத்தை வடிவமைக்க கல்வியாளர்கள் மற்றும் தொழில்துறை முன்னோடிகளை கொண்ட நிபுணர் குழு அமைக்கப்படும்.

* ஒலிம்பிக் போட்டிகளில் தங்கம் வெல்வதை நோக்கமாக கொண்டு, 10 ஒலிம்பிக் மையங்கள் ரூ.50 கோடியில் அமைக்கப்படும்.

* ஏஐ தொழில்நுட்பத்துடன் வழிகாட்டி 3.0 அறிமுகம் செய்யப்படும்.

* திருப்பூர் டெக்ஸ்டைல்ஸ் டெக்னாலஜி சென்டர் அமைக்க ரூ.10 கோடி நிதி ஒதுக்கீடு

* அனைத்து இ-சேவை மையங்களும் இ சேவை 2.0 ஆக மேம்படுத்தப்படும்.

* வீட்டுக் கூரை சூரிய மின் மானியத் திட்டத்துக்கு ரூ.50 கோடி நிதி ஒதுக்கீடு


* காவிரி- வைகை- குண்டாறு நதி இணைப்புத் திட்டத்திற்கு ரூ.150 கோடி நிதி ஒதுக்கீடு

* பெண்ணையாறு- செய்யாறு, பெண்ணையாறு-பாலாறு மற்றும் தாமிரபரணி வைப்பாறு திட்டங்களுக்கு விரிவான திட்ட அறிக்கையினை தயார் செய்ய ரூ.50 கோடி நிதி ஒதுக்கீடு

* நதிகள் மீட்பு திட்டத்துக்கு ரூ.25 கோடி நிதி ஒதுக்கீடு

* காவிரி மற்றும் கொள்ளிடம் ஆற்றின் குறுக்கே தடுப்பணைகள்; விரிவான திட்ட அறிக்கை தயாரிக்க சாத்தியக்கூறு ஆய்வு செய்ய ரூ.10 கோடி நிதி ஒதுக்கீடு

* அரசு ஊழியர்களுக்கு புதிய மருத்துவக் காப்பீடு திட்டம் அறிமுகம்; அடிப்படை காப்பீடு திட்டம் ரூ.5 லட்சத்தில் இருந்து ரூ.7.5 லட்சமாக அதிகரிப்பு. இத்திட்டத்துக்கு ரூ.838 கோடி ஒதுக்கீடு

* ரூ.1,375 கோடி மதிப்பீட்டில் உலகத்தர நீதிமன்ற வளாகம் அமைக்கப்படும்.

* வடபழனி - போரூர் இடையே விரைவில் மெட்ரோ ரயில் சேவை கொண்டுவரப்படும்; சென்னைக்கு 3 புதிய மெட்ரோ ரயில் தடங்கள் பரிந்துரை செய்யப்படும்.

* ஆன்மிகப் பயணிகளின் வசதிக்காக, திருக்கடையூர், நாகூர் மற்றும் வேளாங்கண்ணி ஆகிய இடங்களில் ஓய்வு இல்லங்கள் நிறுவப்படும்; இதற்காக ரூ.60 கோடி ஒதுக்கீடு.

* தமிழக அரசு வாட்ஸ்ஆப் Chatbot சேவைகள் தற்போதைய 76 சேவைகளிலிருந்து 275 சேவைகளாக விரிவுபடுத்தப்படும்.


பிரத்யேக வீடியோ!

தவெக அரசின் முதல் பட்ஜெட்; முக்கிய அம்சங்கள் என்னென்ன?- தினமலர் வெப்சைட் மற்றும் யூடியூப் சேனலில் நேரலை ஒளிபரப்பு

தினமலர் பிரத்யேக வீடியோவை பார்க்க இங்கே கிளிக் செய்யவும்