மஞ்சூர்: மாவட்ட அளவில் நடத்தப்பட்ட போட்டிகளில் வெற்றி, பெற்ற மாணவிகளுக்கு பரிசுகள் வழங்கப்பட்டது.

நீலகிரி மாவட்ட கலை பண்பாடு துறை சார்பில், மாவட்ட அளவில் அரசு பள்ளிகள், அரசு உதவி பெறும் பள்ளிகள், தனியார் பள்ளிகளில் படிக்கும் மாணவ, மாணவிகள் இடையே கலை திருவிழா போட்டிகள் நடத்தப்பட்டன.

அதில், மஞ்சூர் அரசு மகளிர் உயர்நிலைப் பள்ளியை சேர்ந்த மாணவிகள் ஏராளமானோர் போட்டிகளில் பங்கேற்றனர். 15 வயதுக்கு உட்பட்டோருக்கான பிரிவில் பத்தாம் வகுப்பு மாணவி பிரியதர்ஷினி குரல் இசை போட்டியிலும், ஓவியப் போட்டியில் மாணவி கீர்த்தனா ஆகியோர் முதலிடம் பிடித்தனர்.

எட்டாம் வகுப்பு மாணவி சிவனிகா குரல் இசை போட்டியில் மூன்றாம் இடம் பிடித்தார். மாணவிகள் ஹரிணி , கனிஷ்கா , லத்திகா , ரஞ்சனி ஆகியோர் சான்றிதழ்களை பெற்றனர்.

போட்டிகளில் , வெற்றி பெற்ற மாணவிகளுக்கு பள்ளியில் பாராட்டு விழா நடத்தப்பட்டது. தலைமை ஆசிரியர் பாபி தலைமை வகித்து, மாணவிகளுக்கு பரிசு வழங்கினார். கலை ஆசிரியர் சகாய தாஸ், இசை ஆசிரியர் கவிதா உட்பட பலர் பங்கேற்றனர்.