உளுந்துார்பேட்டை: உளுந்துார்பேட்டை அருகே மினி டெம்போ மோதி ஆட்டோ சாலையோர் பள்ளத்தில் கவிழ்ந்த விபத்தில் 4 பேர் படுகாயமடைந்தனர்.

அங்கனுார் பகுதியைச் சேர்ந்தவர் அருள்ராஜ், 30; ஆட்டோ டிரைவர். இவர், அதே பகுதியைச் சேர்ந்த கண்ணதாசனை, 31; நேற்று மதியம் கள்ளக்குறிச்சி அரசு மருத்துவமனைக்கு ஆட்டோவில் அழைத்துச் சென்றார். உடன், ஏழுமலை, 33; ஜெய்சங்கர், 33; சென்றனர். 2.30 மணியளவில் ஏ.புத்துார் பஸ் நிறுத்தம் அருகே சென்றபோது, அவ்வழியாக வந்த மினி டெம்போ ஆட்டோ மீது மோதியதில், ஆட்டோ சாலையோர பள்ளத்தில் கவிழ்ந்தது.

இதில், அருண்ராஜ், கண்ணதாசன், ஏழுமலை, ஜெய்சங்கர் ஆகியோர் காயமடைந்தனர். எலவனாசூர்கோட்டை போலீசார் வழக்கு பதிந்து விசாரிக்கின்றனர்.