கரூர்:போலீசாருக்கு, அன்பான அணுகுமுறை குறித்த ஒரு நாள் பயிற்சி முகாம் இன்று நடக்கிறது என, கரூர் எஸ்.பி., ஹரி கிரண் பிரசாத் தெரிவித்துள்ளார்.
இது குறித்து அவர் வெளியிட்ட அறிக்கை:
கரூர் வேலம்மாள் வித்யாலயா பள்ளி வளாகத்தில், இன்று காலை, 9:00 மணிக்கு போலீசாருக்கு அன்பான அணுகுமுறை குறித்த, ஒரு நாள் பயிற்சி முகாம் நடக்கிறது. இதில், பொதுமக்களிடம் கனிவுடனும், மரியாதையுடனும், பொறுமையுடனும் அணுகி, அவர்களின் குறைகளை உரிய முறையில் கேட்டறிந்து, பொதுமக்கள் நல்லுறவை மேலும் வலுப்படுத்துவதற்கான பயிற்சி அளிக்கப்படும். இவ்வாறு, அதில் கூறப்பட்டுள்ளது.