லண்டன்: இந்தியாவின் அகிப் நபி, சர்ரே 'கவுன்டி' அணியில் ஒப்பந்தம் செய்யப்பட்டுள்ளார்.

இந்திய வேகப்பந்துவீச்சாளர் அகிப் நபி 29. சமீபத்திய இலங்கை டெஸ்ட் தொடரில், காயத்தால் விலகிய பும்ராவுக்கு பதிலாக இந்திய அணிக்கு தேர்வு செய்யப்பட்டிருந்தார். ஆனால் விளையாடும் 'லெவன்' அணியில் இடம் கிடைக்கவில்லை.

நியூசிலாந்து செல்லவுள்ள இந்திய அணி, இரண்டு போட்டிகள் கொண்ட டெஸ்ட் தொடரில் (நவ. 19-23, நவ. 27 - டிச. 1) பங்கேற்கிறது. இதற்கு தயாராகும் விதமாக, இங்கிலாந்தில் நடக்கும் 'கவுன்டி' சாம்பியன்ஷிப் போட்டியில், அகிப் நபியை களமிறக்க இந்திய கிரிக்கெட் போர்டு (பி.சி.சி.ஐ.,) முடிவு செய்தது. இதனையடுத்து சர்ரே அணிக்காக 3 போட்டிகளில் விளையாட அகிப் நபி ஒப்பந்தம் செய்யப்பட்டுள்ளார்.

ஜம்மு காஷ்மீரை சேர்ந்த அகிப் நபி, வரும் செப். 2ல் லண்டன், ஓவல் மைதானத்தில் துவங்கும் யார்க் ஷைர் அணிக்கு எதிரான 'கவுன்டி' சாம்பியன்ஷிப் போட்டியில் சர்ரே அணிக்காக முதல்முறையாக களமிறங்க உள்ளார். அதன்பின் சசக்ஸ் (செப். 8-11, இடம்: ஹோவ்), கிளாமார்கன் (செப். 15-18, லண்டன், ஓவல்) அணிகளுக்கு எதிரான போட்டியில் விளையாட உள்ளார்.
'கவுன்டி' போட்டிக்கு முன், புதுச்சேரியில் நடக்கவுள்ள ஆஸ்திரேலியா 'ஏ' அணிக்கு எதிரான 2 போட்டிகள் (செப். 22-25, செப். 29 - அக். 2) கொண்ட அதிகாரப்பூர்வமற்ற டெஸ்ட் தொடரில் இந்தியா 'ஏ' அணிக்காக அகிப் நபி விளையாட உள்ளார்.