நிக்கோசியா:மேற்காசிய நாடான சைப்ரசின் வடக்கு பகுதி கடற்கரையில் இருந்து 270 பயணியருடன் சென்ற படகு நடுக்கடலில் கவிழ்ந்து விபத்துக்குள்ளானது.



வடக்கு சைப்ரசில் உள்ள கிரினீயா துறைமுகத்தில் இருந்து, மற்றொரு மேற்காசிய நாடான துருக்கியின் மெர்சின் மாகாணம் நோக்கி நேற்று பயணியர் படகு சென்றது. 270 பேருடன் சென்ற இந்த படகிற்குள் திடீரென கடல்நீர் புகுந்தது. இதனால் தள்ளாடியபடி படகு கடலில் மூழ்கியது. தகவல் அறிந்து விரைந்து வந்த கடலோர காவல் படையினர் தீவிர தேடுதல் பணியில் ஈடுபட்டு பலரை காப்பாற்றியுள்ளனர். முதற்கட்டமாக, 159 பேர் மீட்கப்பட்டுள்ளதாக தகவல் வெளியாகியுள்ளது. எஞ்சியவர்களை தேடும் பணி தீவிரமாக நடந்து வருவதாக அதிகாரிகள் தெரிவித்தனர்.