புதுச்சேரி: கிருஷ்ணாபுரம் அடுத்த பாக்கம் கன்னிக்கோவில் பச்சைவாழியம்மன் கோவில் தீமிதி திருவிழா நடக்கிறது.

விழுப்புரம் மாவட்டம், கிருஷ்ணாபுரம் அடுத்த பாக்கம் கன்னிக்கோவிலில், பிரசித்தி பெற்ற பச்சைவாழியம்மன் கோவில் உள்ளது. இக்கோவிலின் தீமிதி திருவிழா (4ம் தேதி) மாலை 5:00 மணிக்கு நடக்கிறது.

இதையொட்டி, காலை 8:00 மணிக்கு விநாயகர், முருகர், மன்னாதீஸ்வரர், பச்சைவாழி அம்மன் ஆகிய சுவாமிகளுக்கு சிறப்பு அபிஷேக ஆதாரனை நடக்கிறது. மதியம் 12:00 மணிக்கு பாலமுருகன், வள்ளி, தெய்வானை திருக்கல்யாண உற்சவம் நடக்கிறது.

மாலை 5:00 மணிக்கு அங்குள்ள குளக்கரையில் அக்னி கரகம் ஜோடிக்கப்பட்டு கோவிலை சுற்றி வலம் வந்து தீமிதி திருவிழா நடக்கிறது.

ஏராளமான பக்தர்கள் தீ மிதித்து நேர்த்தி கடன் செலுத்துவர். விழா ஏற்பாடுகளை, கோவில் தலைவர் வேணுகோபால், பொருளாளர் பாலசுப்ரமணியன் உள்ளிட்டோர் செய்து வருகின்றனர்.