ஈரோடு: ''இடைத்தேர்தல் ஒரு திருப்புமுனையை உருவாக்கும்; முதல்வர் விஜய்யை காண முடியுமா என எங்கு பார்த்தாலும் மக்கள் துடிக்கிறார்கள்'' என அமைச்சர் செங்கோட்டையன் தெரிவித்து உள்ளார்.

ஈரோட்டில் நிருபர்களிடம் அமைச்சர் செங்கோட்டையன் கூறியதாவது: ஊழல் இல்லாத ஆட்சியை நடத்தி கொண்டு இருக்கும் தமிழக வெற்றிக்கழகத்தின் தலைவர், தமிழக முதல்வர் இன்று தேர்தல் பிரசாரத்தில் ரோடு ஷோ நடத்துகிறார். ஒரு சிறப்பு மிக்க, ஒரு வரலாறு படைக்கும் தொகுதியாக தாராபுரம் அமையும்.

முதல்வர் விஜய்யை காண முடியுமா என எங்கு பார்த்தாலும் மக்கள் துடித்துக்கொண்டு இருக்கிறார்கள்; இது மக்களுக்கு கிடைத்து இருக்கும் மிகப்பெரிய வரப்பிரசாதமாக அமையும்; இந்த தேர்தல் வெற்றி என்பது தமிழக வரலாற்றில் இடம்பெறும் வகையில் அமையும்.

இந்த தேர்தலை பொறுத்தவரையும், மற்ற தேர்தலை காட்டிலும் இந்த தேர்தல் ஒரு திருப்புமுனையை உருவாக்கும்; அடுத்த இடைத்தேர்தலில் திமுகவோ, அதிமுகவோ போட்டியிடாத வகையில், இத்தேர்தலில் தவெக வெற்றி வாகை சூடும். இவ்வாறு அமைச்சர் செங்கோட்டையன் கூறினார்.