திருப்பூர்: கோவையில் ரயில் தண்டவாள பராமரிப்புப்பணி நடைபெறுவதையொட்டி, திருப்பூரில் இருந்து கோவை செல்லும் சில ரயில்களின் இயக்கத்தில் மாற்றம் செய்யப்பட்டுள்ளது.

அதன்படி, வரும் 7-ம் தேதி சென்னை எழும்பூர்–மங்களூரு வெஸ்ட்கோஸ்ட் எக்ஸ்பிரஸ் (16159), திருப்பூரில் இருந்து கோவை ஜங்ஷன், பீளமேடு, கோவை வடக்கு ரயில் நிலையங்களுக்கு செல்லாமல், இருகூர்–போத்தனுார் வழியாக மங்களூரு செல்லும்.

தன்பாத்–போத்தனுார் அம்ரித் பாரத் எக்ஸ்பிரஸ் (16620), திருப்பூரில் இருந்து இருகூர் வழியாக போத்தனுார் சென்றடையும். கோவை ஜங்ஷன் செல்லாது.

திப்ரூகர்–கன்னியாகுமரி விவேக் எக்ஸ்பிரஸ் (22504), இருகூர்–போத்தனுார் வழியாக திருவனந்தபுரம் செல்லும்.

ஆலப்புழா–தன்பாத் எக்ஸ்பிரஸ் (13352), போத்தனுார்–இருகூர் வழியாக திருப்பூர் வந்தடையும். இந்த ரயில் வரும் 7, 8-ம் தேதிகளில் கோவை ஜங்ஷன் செல்லாது என சேலம் கோட்ட அதிகாரிகள் தெரிவித்துள்ளனர்.