பந்தலுார்: நீலகிரி மாவட்டம், பந்தலுார் பாட்டவயல் பகுதி மாநில எல்லையாக உள்ளது. இப்பகுதியில், முதுமலை புலிகள் காப்பகம், கேரளா முத்தங்கா வனவிலங்குகள் சரணாலயம் மற்றும் கூடலுார் வனக்கோட்டம் உள்ளதால், வன விலங்குகள் நடமாட்டம் உள்ளது. காலை மற்றும் மாலை நேரங்களில் யானைகள் வந்து செல்கின்றன. இப்பகுதி உலா வரும் குரங்குகள் கடைகள் மற்றும் பயணிகளிடம் உணவு பொருட்களை பறித்து செல்வதால் மக்கள் அச்சத்துடன் நடமாடி வருகின்றனர்.

இந்நிலையில், இப்பகுதியல் கேரளா மாநிலம் சுல்தான்பத்தேரி செல்லும் கேரளா மாநில அரசு பஸ் இங்கு நிறுத்தப்பட்டிருந்தது. பஸ்சிற்குள் குரங்குகள் ஏறி விளையாடின. இதனால், பயணிகள் பஸ்சில் ஏறமுடியாத நிலையில், ஒரு சிலர் ஏறிய பின் அச்சத்தில் இறங்கினர். டிரைவர், கண்டக்டரும் பஸ்சில் ஏறாமல் நீண்ட நேரம் காத்திருந்தனர். தொடர்ந்து, அப்பகுதி மக்கள் குரங்குகளை விரட்டிய பின்னர் பஸ் அங்கிருந்து பயணிகளை ஏற்றி சென்றது. இதனால், இப்பகுதியில் வரும் அரசு பஸ்களின் கதவு மற்றும் ஜன்னல்களை அடைக்க வேண்டிய கட்டாயம் ஏற்பட்டுள்ளது.