கோவை: கோவை அரசு மருத்துவமனையில், மாத்திரைகள் போட்டு தரும் காக்கி கவர் முன்பகுதியில், தமிழ், ஆங்கிலத்துடன், ஹிந்தியிலும் அச்சிடப்பட்டுள்ளதாக, தி.மு.க.,வைச் சேர்ந்த முன்னாள் தொழில்துறை அமைச்சர் ராஜா, தன் எக்ஸ் தளத்தில் குறிப்பிட்டது சர்ச்சையை ஏற்படுத்தியுள்ளது.

நம் நாளிதழ் செய்தி வெளியிட்ட பின், 2024 மே மாதத்திற்கு பின், இம்மருத்துவமனையில், காக்கி கவரில் மருந்து தரப்படுகிறது. சிந்தாமணி கூட்டுறவு நிறுவனம் சார்பில், இந்த சீட்டு அச்சிட்டு தரப்படுகிறது.

கோவையில் வடமாநில தொழிலாளர்கள் அதிகம் என்பதால், அவர்களுக்கு புரியும் வகையில், ஹிந்தியிலும் அச்சிட்டு வழங்கப்படுகிறது.

இது தி.மு.க., ஆட்சியிலும் நடைமுறையில் இருந்த நிலையில், மாஜி அமைச்சரின் பதிவு சர்ச்சையை ஏற்படுத்தி உள்ளது.