சென்னை: ஆடிட்டர் செய்த தவறுக்காக முதல்வர் விஜய் வெற்றியை செல்லாது என அறிவிக்க முடியுமா? என சென்னை ஐகோர்ட் கேள்வி எழுப்பி உள்ளது.

சட்டசபை தேர்தலில் பெரம்பூர் மற்றும் திருச்சி கிழக்கு தொகுதிகளில் முதல்வர் விஜய் வெற்றி பெற்றதை எதிர்த்து திமுக வேட்பாளர்கள் மற்றும் வாக்காளர்கள் தரப்பில் தேர்தல் வழக்குகள் தொடரப்பட்டன. தற்போது விஜய்க்கு எதிரான தேர்தல் வழக்குகள் சென்னை உயர்நீதிமன்றத்தில் விசாரணையில் உள்ளன. இந்தத் தேர்தல் வழக்குகளை நிராகரிக்கக் கோரி விஜய் தரப்பில் மனு தாக்கல் செய்யப்பட்டுள்ளது.

வழக்கு விசாரணையின் போது, சென்னை ஐகோர்ட் நீதிபதி லக்ஷ்மிநாராயணன் கூறியதாவது:

* நான் நீதிபதியாகி சொத்து விவரங்களை தாக்கல் செய்தபோது, என் சார்ட்டர்ட் அக்கவுண்டண்ட்டை நம்பித்தான் செய்தேன். விஜய்யும் தனது சொத்து விவரங்களை அவரது சார்ட்டர்ட் அக்கவுண்டண்ட் மூலம் தாக்கல் செய்திருக்கலாம்.

* அதில் ரூ.20-30 லட்சம் அளவிலான ஏதேனும் தவறு ஏற்பட்டிருந்தால் அதை மட்டும் வைத்து, அவரது தேர்தல் செல்லாது என அறிவிக்க முடியுமா?

* ஆடிட்டர் செய்த தவறுக்காக முதல்வர் விஜய் வெற்றியை செல்லாது என அறிவிக்க முடியுமா?

* திரையுலகில் சூப்பர் ஸ்டாராக இருந்த ஒருவர் ரூ.600 கோடிக்கும் மேற்பட்ட சொத்துகளை வெளிப்படையாகக் குறிப்பிட்டுள்ள நிலையில், ரூ.20-30 லட்சம் விவரங்கள் விடுபட்டிருப்பது மட்டும் அவரது தேர்தல் வெற்றியை பாதிக்குமா?

இவ்வாறு மனுதாரர் தரப்பு வழக்கறிஞரிடம் ஐகோர்ட் நீதிபதி கேள்வி எழுப்பினார்.