டாக்கா: வங்கதேசத்தைச் சேர்ந்த யாசகர் மோரு மியா,35. இவர் உள்ளூர் ஊடகம் ஒன்றில் அளித்த பேட்டியில், தனக்கு 21 மனைவிகள் இருப்பதாகவும், அவர்களின் பெயர்களை நினைவில் வைக்க மிகவும் சிரமப்படுவதாகவும் கூறியிருந்தார். இது சமூகவலைதளங்களில் வைரலாகியது.

மேலும் அவர் கூறியதாவது; நான் எப்போதுமே யாரையும் தேடிச் சென்று திருமணம் செய்து கொள்ள கேட்டதில்லை. ஆனால், பெண்கள் தான் என்னிடம் வந்து திருமணம் செய்து கொள்ளுமாறு கேட்டுக் கொண்டனர். நான் திருமணம் செய்து கொண்டவர்களில் பலர் என்னை விட வயதில் பெரியவர்கள்.

பெண்களின் கோரிக்கை மறுப்பது அவர்களுக்கு செய்யும் அவமரியாதையாக பார்க்கிறேன். இதன் காரணமாகவே அனைவரையும் திருமணம் செய்து கொண்டேன்,இவ்வாறு அவர் கூறினார்.

அவரது இந்த வீடியோ வைரலான நிலையில், திருமண வயது கடந்தும் பெண் கிடைக்காத இளைஞர்கள், இதனை பார்த்து முனுமுனுத்து வருகின்றனர்.