பரமக்குடி: ராமநாதபுரம் மாவட்டம் சத்திரக்குடி அருகே வெல்டிங் மிஷினில் வேலை செய்த தொழிலாளி மின்சாரம் தாக்கி பலியானார்.

சத்திரக்குடி அருகே அரியகுடி புத்துார் கிராமத்தைச் சேர்ந்தவர் விஸ்வநாதன் மகன் பழனிச்சாமி 28. மனைவி வினிதா. திருமணம் ஆகி இரண்டு பெண் குழந்தைகள் உள்ள நிலையில் தற்போது கர்ப்பிணியாக உள்ளார்.

இந்நிலையில் அதே கிராமத்தைச் சேர்ந்த பால்ராஜ் வீட்டில் பழனிச்சாமி வெல்டிங் மிஷின் மூலம் தகர கூரை வேலை பார்த்துள்ளார். அப்போது எதிர்பாராத விதமாக மின்சாரம் தாக்கியது. துாக்கி வீசப்பட்ட நிலையில் ராமநாதபுரம் அரசு மருத்துவக் கல்லுாரி மருத்துவமனைக்கு கொண்டு சென்றனர். பரிசோதித்த டாக்டர்கள் இறந்ததாக தெரிவித்தனர். சத்திரக்குடி போலீசார் விசாரிக்கின்றனர்.