உளுந்துார்பேட்டை: திருநாவலுார் பி.டி.ஓ., அலுவலகம் முன் மறியல் போராட்டத்தில் ஈடுபட்ட தமிழ்நாடு அரசு பணியாளர் சங்க நிர்வாகிகள் 105 பேரை போலீசார் கைது செய்தனர்.

உளுந்துார்பேட்டை தாலுகா மேப்புலியூரில் பணிபுரிந்த டேங்க் ஆப்ரேட்டர் சிவகொழுந்து மற்றும் செம்மனந்தல் ஊராட்சியில் பணிபுரிந்த துாய்மைக் காவலர் தனலட்சுமி ஆகியோர் பணிநீக்கம் செய்யப்பட்டனர்.

இவர்களை மீண்டும் பணியில் சேர்க்க கோரி ஊராட்சி நிர்வாகத்திற்கு பி.டி.ஓ., அதிகாரிகள் உத்தரவிட்டனர்.

ஆனால் மீண்டும் பணி வழங்காததால் தமிழ்நாடு அரசு பணியாளர் சங்க சிறப்புத் தலைவர் பாலசுப்ரமணியன் தலைமையில் நேற்று திருநாவலுார் பி.டி.ஓ., அலுவலகம் முன்பு மறியல் போராட்டத்தில் ஈடுபட்டனர். இந்த போராட்டத்தில் ஈடுபட்ட 105 பேரை போலீசார் கைது செய்தனர்.