கரூர்தமிழ்நாடு மின்வாரிய தொழிற்சங்கங்களின் கூட்டு நடவடிக்கை குழு, கரூர் கிளை சார்பில், ஒருங்கிணைப்பாளர் தனபால் தலைமையில், மின் வாரிய பொறியாளர் அலுவலகம் முன் ஆர்ப்பாட்டம் நடந்தது.

அதில், ஸ்மார்ட் மீட்டர் திட்ட டெண்டரை ரத்து செய்ய வேண்டும், தனியார்மயமாக்கும் பி.பி.பி., திட்டத்தை கைவிட வேண்டும், ஒப்பந்த முறையை நிறுத்த வேண்டும், வாரிய ஆணை எண், 2 ஐ ரத்து செய்ய வேண்டும் உள்ளிட்ட கோரிக்கைகள் வலியுறுத்தப்பட்டன.ஆர்ப்பாட்டத்தில், மாவட்ட சி.ஐ.டி.யு., செயலாளர் சுப்பிரமணி, நிர்வாகிகள் பிரேமா, தியாகராஜன், பால்ராஜ், ராமதாஸ் உள்பட பலர் பங்கேற்றனர்.