மதுரை: ஆயுதபூஜை விடுமுறை முடிந்து ஊர் திரும்பும் வகையில் நாகர்கோவில், கேரள மாநிலம் கொச்சுவேலியில் இருந்து சென்னைக்கு சிறப்பு ரயில்களை தெற்கு ரயில்வே அறிவித்துள்ளது.

* கொச்சுவேலி – தாம்பரம்

அக்.20 இரவு 8:00 மணிக்கு கொச்சுவேலியில் (திருவனந்தபுரம் வடக்கு) இருந்து புறப்படும் சிறப்பு ரயில் (06164), மறுநாள் காலை 11:00 மணிக்கு தாம்பரம் செல்கிறது. மறுமார்க்கத்தில் அக்.21 மதியம் 2:00 மணிக்கு புறப்படும் சிறப்பு ரயில் (06163), மறுநாள் அதிகாலை 5:00 மணிக்கு கொச்சுவேலி செல்கிறது. திருவனந்தபுரம் சென்ட்ரல், நாகர்கோவில், வள்ளியூர், திருநெல்வேலி, கோவில்பட்டி, சாத்துார், விருதுநகர், மதுரை, திண்டுக்கல், திருச்சி, விருத்தாச்சலம், விழுப்புரம், செங்கல்பட்டு ஸ்டேஷன்களில் நின்று செல்கிறது.

* நாகர்கோவில் – சென்னை எழும்பூர்

அக்.20 இரவு 9:00 மணிக்கு நாகர்கோவிலில் இருந்து புறப்படும் ஒருவழி சிறப்பு ரயில் (06144), மறுநாள் காலை 9:55 மணிக்கு எழும்பூர் செல்கிறது. வள்ளியூர், நாங்குநேரி, திருநெல்வேலி, கோவில்பட்டி, சாத்துார், விருதுநகர், மதுரை, திண்டுக்கல், திருச்சி, ஸ்ரீரங்கம், அரியலுார், விருத்தாச்சலம், விழுப்புரம், மேல்மருவத்துார், செங்கல்பட்டு, தாம்பரம் ஸ்டேஷன்களில் நின்று செல்கிறது.

இவற்றுக்கான முன்பதிவு இன்று காலை 8:00 மணிக்கு துவங்குகிறது.