விருத்தாசலம்: விருத்தாசலம் பகுதியில் போக்சாவில் வாலிபர்கள் கைது செய்யப்பட்டனர்.

கம்மாபுரம் வடக்கு தெருவை சேர்ந்தவர் ராஜி மகன் ராமச்சந்திரன், 22. இவர் விருத்தாசலம் பகுதியை சேர்ந்த 17 வயது சிறுமியை காதலிப்பதாக கூறி, திருமணம் செய்து அத்துமீறினார். இதில், சிறுமி தற்போது 2 மாத கர்ப்பமாக உள்ளார்.

அதேபோல், கருவேப்பிலங்குறிச்சி அடுத்த கீரனுார் கிழக்கு தெருவை சேர்ந்த விக்னேஷ் என்பவர் 16 வயது சிறுமியை காதலிப்பதாக கூறி, திருமணம் செய்து அத்துமீறியதில், 7 மாத கர்ப்பமாக உள்ளார்.

இதுகுறித்த புகார்களின் பேரில், விருத்தாசலம் அனைத்து மகளிர் காவல்நிலைய போலீசார் வழக்கு பதிந்து, ராமச்சந்திரன், விக்னேஷ் ஆகிய இருவரையும் போக்சோ சட்டத்தில் கைது செய்தனர்.