புதுடில்லி: நாட்டின் மிகப்பெரிய பொதுத்துறை வங்கியான எஸ்பிஐ மீது சைபர் தாக்குதல் நடத்தப்பட்டதாக வங்கி நிர்வாகம் தெரிவித்துள்ளது. 3,900 வாடிக்கையாளர்களின் தனிப்பட்ட தகவல் அடங்கிய தரவுகள் கசிந்துள்ளதாக கூறியுள்ளது.

வாடிக்கையாளர்களின் பெயர், செல்போன் எண், பிறந்த தேதி, இமெயில், வசிப்பிட முகவரி, அடையாள எண், கடன் தொடர்பான விவரங்கள் கசிந்துள்ளதாக வங்கி தரப்பில் தெரிவிக்கப்பட்டுள்ளது.

வங்கிகள், நிதி நிறுவனங்களை இலக்காகக் கொண்ட சைபர் அச்சுறுத்தல்கள் அதிகரித்து வருகின்றன. வங்கிகள் தங்களது பாதுகாப்பு கட்டமைப்பை மேலும் வலுப்படுத்த வேண்டும் என்று இந்திய ரிசர்வ் வங்கி வலியுறுத்தி வருகிறது.