வேப்பூர்: நல்லூரில் விளையாட்டு மைதானத்திற்கு தனி இடம் ஒதுக்கீடு செய்ய வேண்டும் என இளைஞர்கள் கோரிக்கை விடுத்துள்ளனர்.

வேப்பூர் அடுத்த நல்லூர் ஊராட்சியில் ஐந்தாயிரத்திற்கும் மேற்பட்டோர் வசிக்கின்றனர். இப்பகுதி இளைஞர்கள், மாணவர்கள் விளையாடுவதற்காக பொது விளையாட்டு மைதானம் இல்லாததால், அரசு பள்ளிகளின் மைதானத்தை பயன்படுத்தி வருகின்றனர். அதுவும் பள்ளி நேரம் முடிந்து மாலை 5:30 மணி வரை மட்டுமே விளையாட அனுமதிப்பதால், மற்ற நேரங்களில் தங்களின் தனித்திறனை மேம்படுத்த விளையாட முடியாமல் இளைஞர்கள், மாணவர்கள் கடும் சிரமமடைகின்றனர். எனவே, நல்லூரில் விளையாட்டு மைதானத்திற்கு தனி இடம் ஒதுக்கீடு செய்ய வேண்டும் என அரசுக்கு இளைஞர்கள் கோரிக்கை விடுத்துள்ளனர்.