திருப்பூர்: திருப்பூர், காலேஜ் ரோடு, மாஸ்கோநகர், மாநகராட்சி துவக்கப் பள்ளியில், ஒன்று முதல் ஐந்தாம் வகுப்பு வரை பயிலும் குட்டீஸ்களின் உணவுத்திருவிழா இன்று நடந்தது.

தலைமை ஆசிரியர் செந்தில்வடிவு தலைமை வகித்து, திருவிழாவை துவக்கி வைத்தார். மாணவ, மாணவியர் நுாற்றுக்கும் மேற்பட்ட உணவு பதார்த்தங்களை செய்து, எடுத்து வந்திருந்தனர். சிறப்பு விருந்தினர்கள், பள்ளி மேலாண்மை குழுவினர், நிகழ்ச்சியை காண வந்த பெற்றோர்களிடம் மழலை மொழியில் இயற்கை உணவுகளை உண்பதால் மேம்படும் உடல் நலம் குறித்து விளக்கினர்.