சென்னை: செஞ்சியில், பெற்றோருடன் துாங்கிய சிறுமி மாயமானது தொடர்பான வழக்கு, சி.பி.சி.ஐ.டி., போலீசாரின் விசாரணைக்கு மாற்றப்பட்டுள்ளது.

விழுப்புரம் மாவட்டம், செஞ்சி அருகே, ஆலம்பூண்டியில் பெற்றோருடன் துாங்கிய, 7 வயது சிறுமி, கடந்த 12ம் தேதி மாயமானார்.

சிறுமியை கண்டுபிடிக்க, ஐந்து தனிப்படைகள் அமைத்தும் பலன் இல்லை. சிறுமி மாயமானது தொடர்பாக, விழுப்புரம் டி.ஐ.ஜி., அருளரசு, எஸ்.பி., மதிவாணன் ஆகியோரும் பல்வேறு கிராமங்களுக்கு நேரில் சென்று விசாரணை நடத்தினர்.

சிறுமி மாயமாகி, 10 நாட்கள் ஆன போதிலும், போலீசாரால் கண்டுபிடிக்க முடியவில்லை. இதனால், சிறுமி தொடர்பான வழக்கை, சி.பி.ஐ.சி.ஐ.டி., விசாரணைக்கு மாற்றி, டி.ஜி.பி., மகேஷ்குமார் அகர்வால் உத்தரவிட்டுள்ளார்.