பெங்களூரு: பிரீமியர் லீக் கிரிக்கெட் போட்டியில் சென்னை அணியின் முக்கிய வீரராக இருப்பவர் தோனி. 45 வயதான நிலையிலும், சென்னை அணிக்காக தொடர்ந்து விளையாடி வருகிறார். கெண்டைக்கால் காயத்தால் அவதிப்பட்டு வரும் இவர், கடந்த சீசனில் ஒரு போட்டியிலும் பங்கேற்கவில்லை. இதனால், அவர் எந்த நேரமும் ஓய்வை அறிவிக்கலாம் என்று சொல்லப்படுகிறது.

அடுத்த ஆண்டு நடக்கும் பிரீமியர் லீக்கில் தோனி விளையாடுவாரா? என்ற எதிர்பார்ப்பு ரசிகர்கள் மத்தியில் பெரிதும் எழுந்துள்ளது.

பெங்களூரூவில் நடந்த மருத்துவ விழிப்புணர்வு நிகழ்ச்சியில் தோனி பங்கேற்றார். அப்போது, அடுத்த சீசனில் விளையாடுவீர்களா? என்று அவரிடம் கேள்வி எழுப்பப்பட்டது.

இதற்கு அவர் அளித்த பதில்; அடுத்த சீசனில் விளையாடுவது குறித்து இன்னும் நான் முடிவெடுக்கவில்லை. மருத்துவ பரிசோதனைகள், உடற் தகுதியைப் பொறுத்து டிசம்பர் மாதத்திற்குள் முடிவெடுப்பேன். நான் மீண்டும் விளையாடத் தகுதியோடு இருக்கிறேனா என்பதை மருத்துவர்கள் தான் பரிசோதித்து அறிக்கை தர வேண்டும். இந்த வின்டேஜ் வாகனத்தை சாலையில் ஓட வைக்கும் பொறுப்பு அவர்களிடம்தான் உள்ளது, என்று நகைச்சுவையாகப் பேசினார்.