திட்டக்குடி: திட்டக்குடி அருகே பள்ளி வளாகத்தில் வடிகால் வசதியின்றி மழைநீர் குளம்போல் தேங்கி நிற்பதால் மாணவர்கள், ஆசிரியர்கள் அவதியடைகின்றனர்.

திட்டக்குடி அடுத்த கோடங்குடியில் ஊராட்சி ஒன்றிய தொடக்கப்பள்ளி உள்ளது. இப்பள்ளியில் 2 ஆசிரியர்கள் பணிபுரிகின்றனர். 40 மாணவ, மாணவிகள் படிக்கின்றனர்.

இப்பள்ளியில் வடிகால் வசதி இல்லாததால், தற்போது பெய்து வரும் மழை நீர் வெளியேற வசதியின்றி, குளம் போல் தேங்கி உள்ளது. இதனால் பள்ளிக்கு வந்து செல்லும் மாணவர்கள், ஆசிரியர்கள் அவதியடைகின்றனர்.

எனவே, பள்ளி வளாகத்தில் தேங்கிய மழை நீரை அப்புறப்படுத்த சம்பந்தப்பட்ட அதிகாரிகள் நடவடிக்கை எடுக்க வேண்டும் என பெற்றோர்கள், மாணவர்கள் கோரிக்கை விடுத்துள்ளனர்.