தேவதானப்பட்டி: பெரியகுளம் ஒன்றியம் கெங்குவார்பட்டி பஜனை மடத்தெரு சுதாகரன் 36. இவர் காட்ரோடு புஷ்பராணி நகரில் ஓட்டல் நடத்த ஏற்பாடு செய்து வந்தார். ஏற்கனவே ஓட்டல் தொழில் நடத்துவது தொடர்பாக இவருக்கும் டி. காமக்காபட்டி சந்துரு 26 என்பவருக்கும் முன்விரோதம் இருந்தது. இந்நிலையில் கெங்குவார்பட்டி பகுதியில் நின்றிருந்த சுதாகரனை, சந்துரு, அவரது தம்பி சந்தோஷ், உறவினர்கள் புவனேஸ்வரன், கவுதம், சிவா ஆகியோர் அரிவாளால் வெட்டினர். இதனை தடுக்க வந்த சுதாகரன் உறவினர் பிரபாகரனையும் தாக்கினர். காயமடைந்த சுதாகரன் மதுரையினர் தனியார் மருத்துவமனையில் அனுமதிக்கப்பட்டார். தேவதானப்பட்டி போலீசார் சந்துரு, சந்தோஷ் உள்ளிட்ட 5 பேர் மீது வழக்கு பதிந்து விசாரிக்கின்றனர்.