கோத்தகிரி:

கோத்தகிரி பஸ் நிலையம் அரசு மருந்தகம் அருகில், திறந்தவெளியில் கழிவுநீர் செல்வதால், சுகாதார சீர்கேடு ஏற்பட்டுள்ளது.

கோத்தகிரி பஸ் நிலையம் அருகில், 'சிவில் சப்ளை' அலுவலகம் உள்ளது. இங்கு, நாள்தோறும் நூற்றுக்கணக்கான மக்கள், ரேஷன் பொருட்கள் வாங்கி செல்கின்றனர். சாலையை ஒட்டி, முதல்வர் மருந்தகம் மற்றும் மத்திய அரசின் மலிவு விலை மருந்தகங்கள் உள்ளதால், மருந்து வாங்குவோரின் எண்ணிக்கை அதிகமாக உள்ளது. மேலும், பள்ளி மாணவர்கள் உட்பட, பொதுமக்களின் நடமாட்டமும் இருந்து வருகிறது.

இந்நிலையில், சாலையோர கழிவு நீர் கால்வாய் ' சிலேப்' போட்டு மூடப்படாமல் திறந்த வெளியில் உள்ளது. இதனால், அப்பகுதியில் கட்டடங்களில் இருந்து வெளியேறும் கழிவுகள், வெளியேற வழி இல்லாமல் தேங்கி உள்ளது. இதனால், கொசுத்தொல்லையுடன், துர்நாற்றம் வீசுவதால், சுகாதார சீர்கேடு ஏற்பட்டுள்ளது. எனவே, சம்பந்தப்பட்ட நிர்வாகம் உரிய நடவடிக்கை எடுக்க வேண்டும்.