மதுரை: பயணிகளுக்கு பாதுகாப்பான, வசதிகள் நிறைந்த பயண அனுபவத்தை வழங்கும் வகையில், ராமேஸ்வரம் ரயில்கள் நவீன எல்.எச்.பி., பெட்டிகளுடன் இயக்கப்பட உள்ளதாக தெற்கு ரயில்வே அறிவித்துள்ளது.

டிச.31 முதல் தாம்பரம் – ராமேஸ்வரம் (16751), ஜன.3 முதல் ராமேஸ்வரம் – தாம்பரம் (16752) ஆகிய ரயில்களும், ஜன.1 முதல் ராமேஸ்வரம் – திருவனந்தபுரம் சென்ட்ரல் (16344), ஜன.2 முதல் திருவனந்தபுரம் சென்ட்ரல் – ராமேஸ்வரம் (16343) ஆகிய ‘அமிர்தா’ ரயில்களும் நவீன எல்.எச்.பி., பெட்டிகளுடன் இயக்கப்பட உள்ளன.

ஒரு ‘ஏசி’ முதல் வகுப்பு பெட்டி, ஒரு ‘ஏசி’ இரண்டடுக்கு படுக்கை வசதிப் பெட்டி, 4 ‘ஏசி’ மூன்றடுக்கு படுக்கை வசதிப் பெட்டிகள், 10 ஸ்லீப்பர் பெட்டிகள், 4 பொதுப் பெட்டிகள், ஒரு மாற்றுத் திறனாளிகளுக்கான பெட்டி, ஒரு சரக்குப் பெட்டி என 22 பெட்டிகளுடன் இயக்கப்பட உள்ளன.