தீபாவளி என்பது பலருக்கு சொந்த ஊர் பயணம். திருப்பூருக்கு அது பிரிவின் பருவம்.

ஆண்டு முழுவதும் பனியன் இயந்திரங்களின் இரைச்சலுக்கு நடுவே வாழும் வடமாநில தொழிலாளர்களுக்கு, இந்த தீப ஒளி திருநாள் தான் வீடு திரும்பும் அழைப்பு. ஒடிசா, பீஹார், மேற்கு வங்கம் என ரயில் நிலையங்களில் மூட்டை முடிச்சுகளுடன் காத்திருக்கும் அவர்களின் முகத்தில் சோர்வை மீறிய ஒரு புன்னகை இருக்கும்.

அவர்கள் கொண்டு செல்வது வெறும் பணம் அல்ல; திருப்பூரில் நெய்த ஒரு வருட உழைப்பை. திருப்பூர் உடுத்தும் புத்தாடைகளுக்குப் பின்னால், தங்கள் சொந்த புத்தாடையை ஒத்திவைத்த கைகள் அவை.

அவர்கள் சென்ற பின் திருப்பூர் சற்று அமைதியாகும். இயந்திரங்கள் ஓய்வெடுக்கும். ஆனால் தீபாவளி முடிந்து அவர்கள் திரும்பும்போது தான், இந்த நகரம் மீண்டும் முழுமையாக ஒளிரும்.