வாணியம்பாடி: திருப்பத்துார் மாவட்டம், வாணியம்பாடி திம்மாம்பேட்டை போலீசார், தகரகுப்பம் பகுதியில் உள்ள தமிழக– ஆந்திர மாநில எல்லை சோதனை சாவடியில் இன்று (அக்.,30) வாகன தணிக்கையில் ஈடுபட்டனர்.

அப்போது, ஆந்திர மாநிலம், குப்பம் பகுதியில் இருந்த, தமிழகம் நோக்கி வந்த ஆந்திர மாநில அரசு பஸ்சை நிறுத்தி போலீசார் சோதனைசெய்ததில், 10 கிலோ குட்கா பொருட்கள் கடத்தி வந்தது கண்டுபிடிக்கப்பட்டது. போலீசார் அவற்றை பறிமுதல் செய்து, அவற்றை கடத்தி வந்த நபர் யார் என விசாரித்து வருகின்றனர்.