தங்கத்துக்கான தேவை குறைந்து வருவதாக தரவுகள் கூறும் நிலையில், கமாடிட்டி வர்த்தகர்கள் தங்கத்தை எப்படி அணுக வேண்டும் என 'காம்ட்ரென்ட்ஸ்' நிறுவனத்தின் இயக்குநர் ஞானசேகரனிடம் கேட்டபோது அவர் கூறியதாவது:

தற்போதைய நிலையில், 10 கிராம் தங்கத்தின் விலை 1,38,000 ரூபாயிலிருந்து சரிந்து, 1,30,000 ரூபாய் முதல் 1,25,000 ரூபாய் வரை குறைய வாய்ப்புள்ளது.

டாலரின் மதிப்பில் ஏற்படும் ஏற்ற இறக்கங்களும், ஏ.ஐ., சார்ந்த பங்குகளில் ஏற்படும் சரிவும் தங்கத்தின் விலையில் எதிர்மறையான தாக்கத்தை ஏற்படுத்தக்கூடும். ஒட்டுமொத்தமாக, தங்கத்தின் விலை இறங்குமுகத்தில் தொடர்வதற்கே அதிக வாய்ப்புள்ளது. இருப்பினும், அமெரிக்க செனட் தேர்தல் முடிவுகளை பொறுத்து விலையில் மாற்றங்கள் ஏற்படலாம் என்பதால், அடுத்தகட்ட நகர்வை தீர்மானிக்க தேர்தல் முடிவுகளுக்காக காத்திருக்க வேண்டும். இவ்வாறு அவர் தெரிவித்தார்.