சேலம்: சேலம் மாவட்டத்தில், 2026 - 27 கல்வி ஆண்டில், 7,592 மாணவ, மாணவியருக்கு 130 கோடி ரூபாய் கல்வி கடன் வழங்க இலக்கு நிர்ணயிக்கப்பட்டுள்ளது.

அதன்படி இன்று காலை, 10:00 மணிக்கு, காகாபாளையம் நாலெட்ஜ் இன்ஸ்டிடியூட் ஆப் டெக்னாலஜி பொறியியல் கல்லுாரியில் கல்வி கடன் முகாம் நடக்கிறது. மாவட்டத்தில் உள்ள அனைத்து கல்லுாரி மாணவ, மாணவியர் பயன்பெறலாம். இதில் கல்வி கடன் பெறுவதற்கான வழிகாட்டுதல், விண்ணப்ப பதிவு உதவிகள் வழங்கப்படும். ஏற்கனவே விண்ணப்பித்து நிலுவையில் உள்ள மாணவர்கள், புதிதாக கல்வி கடன் பெற விரும்புவோரும் பங்கேற்கலாம். கூடுதல் தகவலுக்கு, கலெக்டர் அலுவலக அறை எண்: 4ல் நேரில் அணுகலாம். 0427 - 2215106 என்ற எண்ணிலும் அழைக்கலாம் என, கலெக்டர் இளம் பகவத் தெரிவித்துள்ளார்.