மழை நீர் சேமிப்பு விழிப்புணர்வு பேரணி

குளித்தலை:குளித்தலை அடுத்த இனுங்கூர் பஞ்., சார்பில் மழை நீர் சேகரிப்பு விழிப்புணர்வு பேரணி நடந்தது. குளித்தலை ஒன்றிய ஆணையரும், தனி அலுவலருமான ராஜேந்திரன் தலைமை வகித்து விழிப்புணர்வு பேரணியை தொடங்கி வைத்தார்.

துணை வட்டார வளர்ச்சி அலுவலர் லலிதா, பஞ்., செயலாளர் பன்னீர்செல்வம், அரசு மேல்நிலைப்பள்ளி தலைமை ஆசிரியர் சீனிவாசன் ஆகியோர் முன்னிலை வகித்தனர்.பேரணியில், மழைநீர் சேகரிப்பு துண்டு பிரசுரங்களை பஞ்., துாய்மை பணியாளர்கள், துாய்மை காவலர்கள் பொதுமக்களுக்கு வழங்கினர். இனுங்கூர் பகுதியில் முக்கிய வீதி வழியாக சென்ற பேரணி, அரசு மேல்நிலைப்பள்ளி வந்தடைந்தது. இதில், நுாற்றுக்கும் மேற்பட்ட பள்ளி மாணவ, மாணவியர் கலந்து கொண்டனர். இதேபோல், மணத்தட்டை பஞ்.,ல், மழைநீர் சேகரிப்பு விழிப்புணர்வு பேரணி நடந்தது.
தனி அலுவலர் ராஜேந்திரன் தலைமை வகித்து விழிப்புணர்வு பேரணியை தொடங்கி வைத்தார். துணை வட்டார வளர்ச்சி அலுவலர் சாந்தி, பஞ்., செயலாளர் ராஜ்கண்ணன், தலைமை ஆசிரியர் ஆனந்த், ஆசிரியர்கள் துர்கா, கீதா மற்றும் பள்ளி மாணவர்கள், பஞ்., துாய்மை பணியாளர்கள், துாய்மை காவலர்கள் கலந்துகொண்டனர்.

Advertisement