வேளச்சேரி சான் அகாடமி அணி மாநில வாலிபாலில் ‘சாம்பியன்’

சென்னை: பள்ளிகளுக்கு இடையிலான மாநில அளவிலான ஜூனியர் வாலிபால் போட்டியில், மாணவியரில் வேளச்சேரி சான் அகாடமி அணி சாம்பியன் பட்டத்தை வென்றது.

அண்ணா நகர் லயன்ஸ் கிளப் மற்றும் சாந்தோம் பள்ளி இணைந்து, மாநில அளவிலான ஜூனியர் வாலிபால் போட்டியை, சாந்தோம் பள்ளி வளாகத்தில் இன்று (நவ.,22) நடத்தியது.

பள்ளிகளுக்கு இடையே. 14 வயதுக்கு உட்பட்டோருக்கான இப்போட்டியில், மாணவரில் 24 அணிகளும், மாணவியரில் 20 அணிகளும் பங்கேற்றுள்ளன.

மாணவியருக்கான முதல் அரையிறுதியில், முகப்பேர் வேலம்மாள் பள்ளி, 25 – 15, 25 – 17 என்ற புள்ளிக்கணக்கில், எஸ்.பி.ஓ.ஏ., பள்ளியை வீழ்த்தியது. மற்றொரு அரையிறுதியில், வேளச்சேரி சான் அகாடமி அணி, 25 – 23, 24 – 23 என்ற புள்ளிக்கணக்கில் எஸ்.எஸ்.கே., அணியை தோற்கடித்தது.

விறுவிறுப்பான இறுதி போட்டியில், சான் அகாடமி அணி, 25 – 9, 25 – 12 என்ற புள்ளிக்கணக்கில், முகப்பேர் வேலம்மாள் அணியை வீழ்த்தி சாம்பியன் பட்டத்தை வென்றது.

Advertisement